Giddodatgávppi fierbmebálvalus
Bures boahtin Giddodatgávppi fierbmebálvalussii
Giddodatgávppi fierbmebálvalus (Bálvalus) álkidahttá ja jođálmahttá giddodatáššiid dikšuma. Sáhtát oastit dahje vuovdit bearašdálu, geassestobu, bealddu dahje vuovdebálsttá. Oainnát maiddái iežat oamastan giddodagaid vuođđodieđuid. Sáhtát fápmudit váikko opmodatsoabaheaddji dahje báŋkku doaibmat du beales juos háliidat.
Giddodatgávppi fierbmebálvalus bálvala giddodagaid oamasteaddjiid, vuovdiid ja oastiidsihke opmodatsoabaheaddjiid ja báŋkkuid. Priváhtaolbmot sáhttet čálihit iežaset bálvalussii báŋkodovddaldagaiguin, mobiilanannehusain dahje elektrovnnalaš persovdnakoarttain. Organisašuvnnat sáhttet atnit Virre-identifikašuvnna ja organisašuvnna beales fápmuduvvon olbmot sáhttet atnit Suomi.fi-autentikašuvnna.
Bálvalusas oažžu gárvves áššegirjemálliid ovdamearkka dihte gávpegirjji várás. Gávpegirjji vuolláičállima maŋŋá lágačuorvva álggahuvvo automáhtalaččat, ja dan ii dárbbaš šat sierra ohcat eanamihtidandoaimmahaga áššehasbálvalusas. Maiddái gávpenannejeaddji ii šat dárbbašuvvo. Giddodatgávppi fierbmebálvalusa geavaheapmi gáibida, ahte giddodaga dálá oamasteaddji lágačuorvva lea registrerejuvvon giddodatregistarii.
Bálvala olles giddodaga oastin-ja vuovdinproseassa čađa
Go buot oassebealit geavahit bálvalusa, vuovdin-ja oastinprosessii guoski dieđut johtet elektrovnnalaččat ja reálaáiggálaččat báŋkkuid, opmodatsoabaheaddjiid, vuovdiid ja oastiid sihke registariid gaskkas. Bálvalus lea fidnemis suoma-ja ruoŧagillii, dat lea álki geavahit ja das gávdnojit maiddái rávavideot geavaheaddjiid veahkkin.
Eanamihtidanlágádus lea prošeavtta álggu rájes ovttasbargan čavga Suoma opmodatsoabaheaddjiid lihtuin (Suomen Kiinteistönvälittäjäliitto) ja Finánsasuorggi guovddášlihtuin (Finanssialan keskusliitto).
Giddodatgávppi fierbmebálvalusain sáhttá:
- hámustallat ja vuolláičállit giddodaga dahje láigovuoigatvuođa gávpegirjji, skeaŋkagirjji, lonuhangirjji sihke gávppi ovdasoahpamuša gávpenannejeaddji haga
- ohcat ođđa giddehusa
- ohcat elektrovnnalaš pántagirjji sirdima
- ohcat giddema jámiheami dalle, go pántagirjji oažžun lea giddodaga oamasteaddji ja pántagirji lea elektrovnnalaš
- fápmudit nuppi olbmo doaibmat bealestat ovdal máinnašuvvon áššiin
- oastit registtarprentosiid bálvalusas dahkkon áššegirjji čuozáhagas
- vuolláičállit ovdamearkka dihte vistegaskkusteaddji sádden gávpegirjji dahje báŋkku sádden giddenohcamuša
- dievasmahttit oamasteami registreremii laktáseaddji ohcamuša
Sáhtát bargat doaibmabijuid oppa giddodahkii, mearreviidodahkii dahje mearreoassái sihke registrerejuvvon láigovuoigatvuhtii. Mii viiddidit ain bálvalusa.
Bálvalusas ii leat vejolaš:
- rievdadit luohpadeami
- dahkat ja vuolláičállit soahpamuša oktasašoamastusgaskavuođas
- vuođđudit eanaláigohanvuoigatvuođa
- šluhttet oktasašoamastusgaskavuođa
- juogadeami (beallalaččaid giddodaga juogadeapmi)
- ollašuhttit testameantta
- dahkat árbejuogu
Mávssut
Iežas oamastan giddodaga vuođđodieđuid geahččan, nuppi oassebeali fápmudeapmi ja áššegirjjiid hápmosiid dahkan leat nuvttá.
Ohcamuša sáddemis berrojuvvo ohcanmáksu. Luohpadeami álggaheamis berrojuvvo máksu. Máksima maŋŋá beasat oaidnit giddodatregistara ja lágačuorvvaregistara registtarváldosiid, juohkit gávpegirjeevttohusa eará oassebeliiguin ja vuolláičállit gávpegirjji.
Giddodatgávppi fierbmebálvalusa geavahanmávssut leat mearriduvvon eanan-ja meahccedoalloministeriija ásahusas.
Čálit sisa
Bálvalus lea fidnemis suomagillii ja ruoŧagillii. Sáhtát čálihit iežat sisa dušše suomagillii dahje ruoŧagillii.